首次推出Hi-Fi專輯《愛‧情歌》的泳兒（Vincy），以她得天獨厚的靚聲將十首經典情歌重新演繹，她接受電台DJ李國能訪問時，表示揀歌過程相當慢長，在芸芸二百多首歌中選出十首﹕「直頭入錄音室逐首試聽然後投票決定，最後先選出呢十首。」
自言性格傳統、保守的她最大挑戰是錄音時要化作為愛主動的女孩，但在現實生活中，這情況絕少會發生﹕「我係要慢慢培養感情嗰種人，我比較慢熱，如果我唔識一個人好難有愛情感覺。」
現時和髮型師男友感情穩定的Vincy又稱，在初見男友時其實並不喜歡對方的外形﹕「我之前好唔鍾意男仔留鬍鬚，覺得好似好污糟，而且有少少咸濕，又唔鍾意男仔長頭髮，所以初初識佢時，我所有唔鍾意嘅嘢都響晒佢度。」但經過時間相處後，才慢慢有進一步發展﹕「我哋成日一齊做嘢，日子耐咗了解到大家個性如何，可以一齊係因為性格上可以夾到，而且見到佢幫我整頭髮時好認真個樣，都好欣賞。」轉自【on.cc東網專訊】
Search